ABC-ის პოპულარული სამედიცინო დრამა, გრეის ანატომია მე-15 სეზონით 27 სექტემბერს დაბრუნდება.

როგორც ცნობილია, შოუს ახალი სეზონის პირველი ეპიზოდი ორ საათიანი იქნება და ბევრი საინტერესო ისტორიის დასაწყისი გახდება.

ახლახან ცნობილი გახდა, რომ შოუს ახალ სეზონში ძველი, ყველასათვის ნაცნობი პერსონაჟი დაბრუნდება.

ამ სიახლის გაგონებაზე ბევრი თქვენგანი კრისტინა იანგზე ან იზი სტივენსზე იფიქრებდა, თუმცა არა, შოუში ტეტჩერ გრეი, მერედითის მამა ბრუნდება.

მე-15 სეზონთან დაკავშირებით უკვე ვიცით ის, რომ ექიმი ტედი ოფიციალურად ბრუნდება. თუმცა სამწუხაროდ ამავე სეზონში და ზოგადად სერიალში ვეღარ ვიხილავთ ექიმებს არიზონა რობინსსა და ეიპრილ კეპნერს, მათ შოუ მე-14 სეზონში დატოვეს.

ახალ სეზონში გვეყოლება ახალი ქირურგიც, რომლის როლსაც Nashville-ის ვარსკვლავი, კრის კარმაკი შეასრულებს.

სერიალის პროდიუსერმა თქვა, რომ ეს სეზონი ბევრ დრამასთან ერთად, სიყვარულის სეზონიც იქნება, თუმცა, რა თქმა უნდა, უცნობია რას გულისხმობდა ამაში.

აქვე გეტვყით იმასაც, რომ ცოტა ხნის წინ შონდა რაიმსმა როგორც იქნა აღიარა და თქვა, რომ სურს შოუში ედისონ მონტგომერი და კალი ტორესი დაბრუნდნენ. ასე, რომ შეუცნობელ არს გზანი შონდასი და ვინ იცის, იქნებ ერთ დღეს ეს ორი დიდებული პერსონაჟი ისევ ვიხილოთ საკულტო სამედიცინო დრამაში.