გრეის ანატომიის შემქმნელს, შონდა რაიმს სურს, რომ სერიალში ორი პოპულარული ექიმი, ედისონ მონტგომერი და კალი ტორესი დაბრუნდეს.

ედისონ მონტგომერი, რომლის როლსაც სერიალში ქეით უოლში ასრულებს, ბოლოს შოუს მერვე სეზონში გამოჩნდა. კალი ტორესი კი (სარა რამირესი) გრეის ანატომიის ფანებმა ბოლოს მე-12 სეზონში იხილეს.

"ძალიან მინდა ორივე პერსონაჟი დაბრუნდეს შოუში, თუმცა ეს ამ ეტაპზე შეუძლებელია. ქეითი ძალიან დაკავებულია, ის ნეტფლიქსის სერიალში თამაშობს, სარა კი ABC-იდან წასვლის შემდეგ, CBS-ში გადავიდა და მათთან გააფორმა კონტრაქტი. თუმცა, მინდა ვთქვა, რომ გრეის ანატომია და შონდალენდი სამუდამოდ დარჩება მათ სახლად, მე ვგიჟდები მათზე, ისინი დიდებული მსახიობები და დიდებული ადამიანები არიან", - ამბობს შონდა რაიმსი.

შონდა რაიმსი, ჩვენი დროის ერთ-ერთი ყველაზე გავლენიანი პროდიუსერია, რაც იმას ნიშანვს, რომ მას ყველაფრის გაკეთება შუძლია. შესაბამისად, არ არის გამორიცხული, მალე ორივე პერსონაჟი კვლავ ვიხილოთ შოუში.