Nashville-ის ვარსკვლავი, კრის კარმაკი გრეის ანატომიის მე-15 სეზონში ყველაზე პოპულარული ექიმების რიცხვს შეუერთდება.

მსახიობი სერიალში კალი ტორესის შემცვლელის ამპლუაში მოგვევლინება და ტრავმატოლოგის როლს მოირგებს, რომელსაც ზედმეტსახელად "ღმერთს" ეძახიან.

ABC-ის პოპულარული სამედიცინო დრამა, გრეის ანატომია მე-15 სეზონით 27 სექტემბერს დაბრუნდება.

როგორც ცნობილია, შოუს ახალი სეზონის პირველი ეპიზოდი ორ საათიანი იქნება და ბევრი საინტერესო ისტორიის დასაწყისი გახდება.

მე-15 სეზონთან დაკავშირებით უკვე ვიცით ის, რომ ექიმი ტედი ოფიციალურად ბრუნდება. თუმცა სამწუხაროდ ამავე სეზონში და ზოგადად სერიალში ვეღარ ვიხილავთ ექიმებს არიზონა რობინსსა და ეიპრილ კეპნერს, მათ შოუ მე-14 სეზონში დატოვეს.

სერიალის პროდიუსერმა თქვა, რომ ეს სეზონი ბევრ დრამასთან ერთად, სიყვარულის სეზონიც იქნება, თუმცა, რა თქმა უნდა, უცნობია რას გულისხმობდა ამაში.