ზუგდიდის რაიონულმა სასამართლომ კორცხელის საქმეზე ხულიგნობის მუხლი ცემის მუხლით გადააკვალიფიცირა და ინციდენტში ბრალდებულებს ფულადი ჯარიმის გადახდა დააკისრა.

რეგინფოს ცნობით, ბრალდებულ გიორგი გოგიძეს 3 000 ლარის გადახდა დაევალა, გიორგი გიგაურს 4 000 ლარის, ნოშრევან წურწუმიას 5 000 ლარის, კობა ტყეშელაშვილს 6 000 ლარის, ვლადიმერ გეგეშიძეს კი 7 000 ლარის.

2016 წლის 22 მაისს, ზუგდიდში, კორცხელის საარჩევნო უბანზე, სადაც შუალედური ადგილობრივი თვითმმართველობის არჩევნები მიმდინარეობდა, ნაციონალური მოძრაობის წევრებს, მათ შორის გიგა ბოკერიასა და ნიკა მელიას, ფიზიკური შეურაცხყოფა მიაყენეს.