განახლება: მაჭახელამ ინციდენტისთვის ბოდიში მოიხადა და თანამშრომლები გაათავისუფლა

7 აგვისტოს აქციის "10 წელი ოკუპაციიდან" ერთ-ერთი მონაწილე, ანი გვათუა ფეისბუქზე წერს, რომ თავისუფლების მოედანზე რესტორან მაჭახელა/სამიკიტნოში მას და მის მეგობრებს მაგიდიდან პუტინის ტრანსპარანტის აღება მოსთხოვეს.

"ჯერ მოგვიგზავნეს მიმტანი, შემდეგ მენეჯერი, შემდეგ დაცვა, შემდეგ დაცვის უფროსები თხოვნით, რომ მაგიდიდან აგვეღო აქციიდან წამოღებული პუტინის ტრანსპარანტი. მიზეზი არის შემდეგი: მაჭახელა არ არის პროტესტის გამოხატვის ადგილი, იქნებ ვინმე რუსი "პატრიოტი" შემოვიდეს..“, - ნათქვამია პოსტში.

როგორც აქციის მონაწილე ლიბერალთან ამბობს, რესტორნის თანამშრომლების თხოვნის მიუხედავად, ტრანსპარანტი მაგიდიდან არ აუღიათ.

7 აგვისტოს 2008 წლის აგვისტოს ომიდან 10 წელი გავიდა. რუსეთს საქართველოს ტერიტორიის 20 პროცენტზე მეტი აქვს ოკუპირებული.