4 აგვისტოს იენ მაკკელენს ლონდონის თეატრში სპექტაკლ მეფე ლირში მთავარი როლი უნდა ეთამაშა. სპექტაკლი მისი ტრავმის გამო გადაიდო, თუმცა ბრიტანელმა მსახიობმა გადაწყვიტა, შეკრებილი საზოგადოებისთვის იმედი არ გაეცრუებინა და სცენაზე მაინც გამოვიდა.

"ერთი მსახიობის თეატრი" ნახევარი საათის განმავლობაში გაგრძელდა. მაკკელენმა წაიკითხა ნაწყვეტები შექსპირიდან, ორჯერ განასახიერა გენდალფი ბეჭდების მბრძანებლიდან და სამსახიობო ხელოვნებისადმი საკუთარ სიყვარულზეც ისაუბრა.

საბოლოოდ მაკკელენმა სცენაზე სპექტაკლის სხვა მონაწილეებსაც მოუხმო და მათ ერთად დაუკრეს თავი აუდიტორიას. მოგვიანებით მსახიობმა ტვიტერზეც მოუბოდიშა ადამიანებს, რომლებიც მეფე ლირის სანახავად მოვიდნენ და სულ სხვა რამ დახვდათ.

მსახიობმა ფეხი მაშინ დაიზიანა, როცა ცდილობდა, მატარებლისთვის მიესწრო.