ბოლო ერთი წლის განმავლობაში სამხედრო-სავალდებულო სამსახურში გაწვეული წვევამდელების ნაწილმა ჯარს თავი გირჩის მღვდელმსახურის მოწმობით აარიდა. სტატისტიკური მონაცემები On.ge-ს რეგიონული განვითარებისა და ინფრასტრუქტურის სამინისტროდან მიაწოდეს. ეს უწყება იბარებს წვევამდელებს სამხედრო სავალდებულო სამსახურში გასაწვევად.

უწყებიდან მოწოდებული ინფორმაციის მიხედვით, 2017 წლის საშემოდგომო გაწვევიდან დღემდე მთელი ქვეყნის მასშტაბით, რამდენიმე ათასი ადამიანი გაიწვიეს, საიდანაც 5 914-მა დაიწყო სამხედრო სავალდებულო სამსახური, 4 406-მა კი გადასავადებლად - ბიბლიური თავისუფლების მღვდელმსახურის ცნობა გამოიყენა.

საქართველოს კანონმდებლობით, სასულიერო პირები სამხედრო-სავალდებულო სამსახურისგან თავისუფლდებიან.

როგორც გირჩში On.ge-ს განუცხადეს, დღევანდელი, 2018 წლის 2 აგვისტოს მდგომარეობით, 8 320 მოწმობა აქვთ გაცემული. პარტიამ სამხედრო-სავალდებულო სამსახურიდან წვევამდელების გასათავისუფლებლად ბიბლიური თავისუფლება 2017 წლის მარტში დააფუძნა.

შესწორება: მასალის თავდაპირველ ვერსიაში ეწერა, რომ 5 914 წვევამდელიდან სამხედრო სავალდებულო სამსახურს თავი გირჩის ცნობით 4 406-მა აარიდა. ეს ინფორმაცია ინფრასტრუქტურის სამინისტროსთან კომუნიკაციის შემდეგ დაზუსტდა და ცვლილება აისახა მასალაში.