გუგლმა iOS-ისა და ანდროიდის პლატფორმებზე Google Maps-ის განახლება გამოუშვა.

შემდეგში, როდესაც Google-ის რუკაზე თქვენს მახლობლად არსებული რესტორნების დათვალიერებას გადაწყვეტთ, სცადეთ და რესტორნის სახელს ორჯერ დააჭირეთ.

აპლიკაცია ეცდება განსაზღვროს, რამდენად შესაფერისია თქვენთვის ეს ადგილი და მოგეწონებათ თუ არა ის. Google-მა განახლება მაისში, დეველოპერების ყოველწლიურ შეხვედრაზე დააანონსა. ივნისის ბოლოს კი ის უკვე ფართო მასებისთვისაც ხელმისაწვდომი გახდა. განახლების მიზანია, რომ აპლიკაციის გამოყენება უფრო ადვილი გახადოს და არჩევანის გაკეთებაში დაგეხმაროთ.

ფოტო: Google

Google Maps თქვენზე არსებულ ინფორმაციას გამოიყენებს, რათა შესაფერისი რესტორანი შეგირჩიოთ. თუ მან იცის, რომ თქვენ პიცა გიყვართ ის თქვენ მახლობლად არსებულ პიცერიებს შემოგთავაზებთ. ის ასევე გაითვალისწინებს, ყოფილხართ თუ არა აქამდე მსგავს რესტორანში.

ეს ფაქტობრივად გაცნობისა და ურთიერთობის წამოწყების სერვისია, ოღონდ - ადამიანსა და საკვებ დაწესებულებას შორის.