საბერძნეთში ტყის ხანძრებს მესამე დღეა ებრძვიან. ხანძარი ათენთან ახლოს, მატიში გაჩნდა და 74 ადამიანი სიცოცხლე შეიწირა. დაღუპულები სახლებსა და მანქანებში იპოვეს. 200-ზე ადამიანი დაშავებულია, ხოლო ასობით ადამიანი ცეცხლისგან თავდასაცავად ზღვისკენ და სანაპიროსკენ მიიწევს.

საბერძნეთში წითელი ჯვრის წარმომადგენელი, ნიკოს ეკონომოპოლუსი ყვება, რომ 26 გარდაცვლილი ზღვის სანაპიროზე იპოვეს და ისინი ერთმანეთზე იყვნენ მიკრულები. მისივე თქმით, სავარაუდოდ, ხანძრის მოახლოებისას ისინი ერთმანეთს ჩაეხუტნენ.

ბოლო ათი წლის განმავლობაში ეს ყველაზე მასშტაბური ხანძარია, 2007 წელსაც ტყის ხანძრების შედეგად ათობით ადამიანი დაიღუპა. ქვეყნის პრემიერ-მინისტრმა, ალექსის ციპრასმა ატიკის რეგიონში საგანგებო რეჟიმი გამოცხადა. ასევე, საბერძნეთში სამდღიანი გლოვა გამოცხადდა.

ხანძართან საბრძოლველად კვიპროსიდან 60 მეხანძრე-მაშველთან ერთად სამხედრო თვითმფრინავი გაემგზავრა. საბერძნეთს დახმარება შესთავაზეს თურქეთმა, ისრაელმა, იტალიამ და საქართველომ.

ფოტო: Reuters

ფოტო: Savvas Karmaniolas/AFP/Getty Images

ფოტო: Angelos Tzortzinis/AFP/Getty Images

ამავე თემაზე: