შინაგან საქმეთა სამინისტროს ინფორმაციით, იგოეთთან ტრაილერი, რომელიც ბეტონის ფილებით იყო დატვირთული, ბორდიურს შეეჯახა. უწყების ცნობით, ბეტონის ფილების შემთხვევის შემდგომ ორ მსუბუქ ავტომანქანაზე გადმოყრამ მსუბუქი მანქანები დააზიანა, თუმცა მგზავრები არ დაშავებულან.

როგორც შსს-მ On.ge-ს განუცხადა, დაშავებული, სავარაუდოდ, ტრაილერის მძღოლია. ჯანდაცვის სამინისტროს საგანგებო სიტუაციების ცენტრის ცნობით, დაშავებულს ადგილზევე აღმოუჩინა დახმარება კატასტროფის ეკიპაჟმა.

შემთხვევაზე გამოძიება საქართველოს სისხლის სამართლის კოდექსის 276-ე მუხლის პირველი ნაწილითაა დაწყებული. ამ მუხლით სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევა, რამაც ჯანმრთელობის ნაკლებად მძიმე დაზიანება გამოიწვია, ისჯება ჯარიმით ან შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით სამ წლამდე.