საწვავზე ფასის ზრდა მძღოლებმა აქციის სახით გააპროტესტეს. აქციის მონაწილეების თქმით, მნიშვნელოვანია მთავრობამ საწვავის ფასი მკაცრად გააკონტროლოს, წინააღმდეგ შემთხვევაში კი მომდევნო აქცია ერთ კვირაში, უკვე მთავრობის კანცელარიასთან გაიმართება.

აქციის მონაწილეები საწვავის ფასის მინიმუმ ორ ლარზე დაყვანას ითხოვენ, სახელმწიფოს მოუწოდებენ ჩაერთონ პროცესებში, წინააღმდეგ შემთხვევაში კი მათი თქმით, აქციები რეგიონებშიც დაიწყება.

აქცია სახელწოდებით, ერთად შევცვალოთ საწვავის ფასი, ამჯერად სოკარის ოფისთან გაიმართა.