მზის ენერგიის ინოვაციური პანელები მცენარეების მსგავსად მუშაობს

ილინოის უნივერსიტეტის მეცნიერებმა მზის პანელების ახალი, ინოვაციური ვარიანტი შექმნეს.

აქამდე არსებული, სტანდარტული პანელები, მზის ენერგიას ელექტროენერგიად გარდაქმნის, რომელიც მძიმე და ძვირ აკუმულატორებში უნდა შევინახოთ.

ჩიკაგოელი მეცნიერების გამოგონება კი მზის ენერგიასთან ერთად ატმოსფეროდან ნახშირბადს (CO, CO2) იღებს და მცენარესავით ფოტოსინთეზს ახდენს, რის შედეგადაც ნახშირბადი ენერგოეფექტურ საწვავად გარდაიქმნება.

ფოტო: Jenny Fontaine / University of Illinois at Chicago

ასეთ “ხელოვნურ ფოთლებს” ატმოსფეროს გაწმენდა შეუძლია.

როგორც ამ გამოგონების ერთ-ერთი ავტორი, პროფესორი ამირ სალეჰი-ხოჯინი ამბობს: "აქამდე ორგანულ საწვავს მიწიდან ვიღებდით, ვწვავდით, ატმოსფეროს ვაბინძურებდით და ამას დაუსრულებლად ვიმეორებდით. ახლა კი შეგვიძლია ეს პროცესი შევცვალოთ".