ანდრო ჭიჭინაძის ადვოკატის ცნობით, მსახიობის სასამართლო პროცესი 5 მარტისთვის გადაიდო. ხვალ, 10 იანვარს კი მოსამართლე იმსჯელებს ანდრო ჭიჭინაძის პატიმრობაში დატოვების შესახებ.

"სასამართლომ დააკმაყოფილა პროკურატურის დაუსაბუთებელი შუამდგომლობა - ანდრო ჭიჭინაძის [წინასასამართლო] პროცესი გადადო 5 მარტისთვის.
ხვალ მოსამართლე ხალხით სავსე საქალაქო სასამართლოში იმსჯელებს დატოვებს თუ არა მსახიობს ციხეში. პროცესის დრო - 10:30 საათი.
შევხვდებით პროცესზე," — წერს მსახიობის ადვოკატი, თორნიკე მიგინეიშვილი.

ანდრო ჭიჭინაძე პროევროპული აქციებისას დააკავეს. 7 დეკემბერს სასამართლომ მსახიობს პატიმრობა შეუფარდა. მას ბრალი საქართველოს სისხლის სამართლის კოდექსის 225-ე მუხლის მეორე ნაწილით წარედგინა, რაც ჯგუფურ ძალადობაში მონაწილეობას გულისხმობს და 4-დან 6 წლამდე თავისუფლების აღკვეთას ითვალისწინებს.