აშშ-ში, მისურის შტატში ნავის ჩაძირვას 11 ადამიანის სიცოცხლე ემსხვერპლა. CNN-ის ინფორმაციით, დაღუპულებს შორის ბავშვებიც არიან.

ნავი ჩაძირვამდე ტეიბლ-როკის ტბაზე ქარიშხლის დროს გადაბრუნდა, რა დროსაც ბორტზე 31 ადამიანი იყო. შერიფ რადერის თქმით, შემთხვევა, სავარაუდოდ, სწორედ ამინდის გაუარესებამ გამოიწვია.

შემთხვევის შედეგად კიდევ შვიდი ადამიანი დაშავდა, ხუთ მგზავრს კი ამ დრომდე ეძებენ.