2018 წლის მსოფლიო ჩემპიონატზე საფრანგეთის გამარჯვებასთან დაკავშირებით პარიზის ექვსი მეტროსადგურის სახელი დროებით შეიცვალა. ახალი სახელები ფეხბურთელებისა და მწვრთნელთა გვარების ერთგვარ გადათამაშებას წარმოადგენს.

მაგალითად, ერთ-ერთი მეტროსადგურის სახელში Champs-Élysées – Clemenceau პირველი სიტყვა Champs შეიცვალა საფრანგეთის ნაკრების მთავარი მწვრთნელის გვარით - დეშამი (Deschamps) და მეტროს ახლა Deschamps Élysées – Clemenceau ჰქვია.

ფოტო: Groupe RATP / Twitter

დეშამი ფიგურირებს ასევე მეტროდასდგურ Notre-Dame-des-Champs-ის (ნოტრ-დამ-დე-შამ) ახალ სახელში, რომელიც Notre-Didier Deschamps-ად გადაკეთდა.

"შარლ დე გოლ ეტუალის" მეტროსადგურს ახლა "On a 2 Etoiles" ჰქვია, რაც ფრანგულიდან ითარგმნება, როგორც "ჩვენ უკვე ორი ვარსკლავი გვაქვს". აქ მსოფლიო თასზე ფრანგების ორ-გზის ჩემპიონობა იგულისხმება.

საინტერესო ენობრივი თამაში გამოვიდა ფრანგი მწერლისა და ფრანგი ფეხბურთელის სახელისა და გვარის შეერთებით. სადგურ "ვიქტორ ჰიუგოს" ახლა "ვიქტორ ჰიუგო ლორისი" ჰქვია. ლორისი ამ მსოფლიო ჩემპიონატზე საფრანგეთის ნაკრების მეკარე გახლდათ.

ფოტო: GroupeRATP / Twitter

მეტროსადგურებს ლუვრის მუზეუმიც შეუერთდა, რომელმაც ტვიტერის საკუთარ გვერდზე მონა ლიზას ფოტო დადო საფრანგეთის ნაკრების ფორმაში.

საგულისხმოა, რომ მსგავს პრეცენდენტს ადგილი ლონდონშიც ჰქონდა. იქ მეტროსადგურ Southgate-ს ინგლისის ნაკრების მთავარი მწვრთნელის სახელი დაერქვა - Gareth Southgate.