ფოტოგრაფი პატრიცია ვილოქი კონგოს დემოკრატიულ რესპუბლიკიდანაა, სადაც ალბინოსი ადამიანები, ხშირად, დისკრიმინაციის მსხვერპლი ხდებიან. სწორედ ამიტომ, მან ამ სტიგმის წინააღმდეგ ბრძოლა გადაწყვიტა.

ალბინიზმი თანდაყოლილი დაავადებაა, როდესაც სხეულს პიგმენტაციის წარმოება არ შეუძლია. სინათლის მიმართ სხეულიც და თვალებიც ზედმეტად მგრძნობიარეა. აფრიკის ქვეყნებში, მათ შორის კონგოს დემოკრატიულ რესპუბლიკაში, ალბინიზმით დაავადებულები განსხვავებული გარეგნობის გამო ძალადობისა და დისკრიმინაციისთვის არიან განწირულნი. ამის საფუძველი, ძირითად შემთხვევაში, ცრურწმენებია.

როგორც ფოტოგრაფი პატრიცია ვილოქი ამბობს, ლეგენდის თანახმად, განსხვავებული ბავშვების გაჩენის გამო, მდინაარების სათავესთან მყოფი სული შურს იძიებს. განსხვავებულში კი თეთრი იგულისხმება.

ქალებს, რომლებიც ალბინოს ბავშვებს აჩენენ, ხშირად, ქმრები ტოვებენ. ალბინოსებს სკოლაში სიარულის უფლებაც არ აქვთ. ამით მათ განვითარებისა და ინტეგრაციის საშუალებას ართმევენ.

აფრიკაში ჯადოქრებს სჯერათ, რომ ალბინოსის სხეულის ნაწილებს ზებუნებრივი ძალა აქვს. როგორც გაეროს გენერალური მდივანი პან გი მუნი აცხადებს, ეს იწვევს ალბინოსების გატაცებას, სხეულის დახიჩრებებს, მკვლელობებს და მათი საფლავებიდან სხეულის ნაწილების ქურდობას:

"13 ივნისს აღინიშნება ალბინოსთა მიმართ ძალადობისა და დისკრიმინაციის წინააღმდეგ ბრძოლი დღე. მოვუწოდებ ყველას ქვეყნის წარმომადგენელს, აღიარონ ადამიანის თანაბარუფლებიანობა, მათ შორის ალბინოსებისაც".

პატრიცია ვილოქი კონგოში 2013 წელს დაბრუნდა და გადაწყვიტა, ფოტოები სახელწოდებით "შავ-თეთრი" გადაეღო. ფოტოები სხვადასხვა ასაკის ალბინოსების ცხოვრებას აღწერს .