"ღრმა მწუხარებით ვგლოვობთ მისი უწმინდესობის, პაპ ფრანცისკეს გარდაცვალებას", — ამის შესახებ ძლიერი საქართველოს ლიდერი, მამუკა ხაზარაძე სოციალურ ქსელში წერს.

მისი თქმით, პაპმა ფრანცისკემ თავისი ცხოვრება რწმენას, ეკლესიას და კაცობრიობის მსახურებას მიუძღვნა.

"კათოლიკეებს მთელს მსოფლიოში, გულწრფელად გისამძიმრებთ და სოლიდარობას გიცხადებთ ამ დიდი დანაკარგის დროს", — წერს ხაზარაძე.

რომის პაპი ფრანცისკე 88 წლის ასაკში, ავადმყოფობის შემდეგ, 21 აპრილს გარდაიცვალა. ინფორმაციას ვატიკანი ავრცელებს. მათი ცნობით, პაპის გარდაცვალების შესახებ კარდინალმა კევინ ფარელმა განაცხადა.

ფრანცისკე რომის 266-ე პაპად 2013 წლის 13 მარტს აირჩიეს, მას შემდეგ, რაც მისი წინამორბედი ბენედიქტ XVI გადადგა.

რომის პაპ ფრანცისკეს შაბათს დაკრძალავენ.

რომის პაპი ფრანცისკე 88 წლის ასაკში ავადმყოფობის შემდეგ გარდაიცვალა.