"ვიზალიბერალიზაცია კი არა, საქართველოს ინტერესია მთავარი, დამოუკიდებლობა და სუვერენიტეტი", — ამის შესახებ თბილისის მერმა კახა კალაძემ, ვიზალიბერალიზაციის შესაძლო გაუქმებასთან დაკავშირებით განაცხადა.

მისი თქმით, ევროინტეგრაციის პროცესი გამოიყენება შიდა დაძაბულობისთვის, რადიკალური ჯგუფების გამოღვიძებისა და ხალხის ერთმანეთთან დაპირისპირებისთვის.

"გვახსოვს როგორ ხდებოდა სხვადასხვა თემების გამოყენება, მაგალითად კანდიდატის სტატუსის მიღება არ მიღების საკითხი, რომ რევოლუცია მოეწყოთ, დაპირისპირება და სახელმწიფო გადატრიალება და არ გამოუვიდათ. შემდეგ შემოიტანეს მოლაპარაკებების გახსნის საკითხი. ახლა ვიზალიბერალიზაციის საკითხი. ვიზალიბერალიზაცია კი არა, საქართველოს ინტერესია მთავარი - დამოუკიდებლობა და სუვერენიტეტი. დღეს ყველა ქართველი, ამ ქვეყანაში დაბადებული ადამიანი, რომელსაც თავისი ქვეყანა უყვარს და პატრიოტია ამაყობს, რომ ვერავინ ბედავს საქართველოს ხელისუფლებას და ჩვენ ქვეყანას მითითებები მისცეს. მბრძანებლური ტონი, რომელიც წლების განმავლობაში არსებობდა, ასე საუბარს ვეღარ ახერხებენ, სწორედ ამას ებრძვიან და ამიტომ არიან გაგიჟებულები, — ამის შესახებ „ქართული ოცნების“ გენერალურმა მდივანმა, თბილისის მერმა კახა კალაძემ, ვიზალიბერალიზაციის შესაძლო გაუქმებასთან დაკავშირებით განაცხადა.