თავისუფალმა აგენტმა ტონი პარკერმა შარლოტ ჰორნეტსთან 2-წლიან კონტრაქტს მოაწერა ხელი. იგი ამ ხნის განმავლობაში 10 მილიონ დოლარს მიიღებს.

პარკერმა გადაწყვეტილება გრეგ პოპოვიჩს გადასვლამდე რამდენიმე საათით ადრე გააცნო. ამ უკანასკნელს სურდა, რომ პარკერს მენტორის ფუნქცია შეესრულებინა, თუმცა ტონიმ შარლოტში უფრო მნიშვნელოვანი როლი არჩია. საგულისხმოა, რომ პარკერის მიმართ ინტერესს დენვერიც გამოხატავდა.

36 წლის ფრანგი გამთამაშებელი სან ანტონიომ 2001 წლის დრაფტზე 28-ე ნომრად აიყვანა. პარკერს კარიერის განმავლობაში არცერთ სხვა კლუბში არ უთამაშია, მოიგო რა პოპოვიჩის გუნდთან ერთად 4 ბეჭედი და რაც მთავარია, 2007 წლის სუპერფინალური სერიის MVP-ც გახდა.