პრეზიდენტის ბრძანებულების თანახმად, შეწყალების საკითხთა კომისიის წევრებს კიდევ ორი ახალი წევრი დაემატათ - მოჭადრაკე ნონა გაფრინდაშვილი და პროფესორი ზაზა ფირალიშვილი. ბრძანებულება 2016 წლის 16 თებერვალს გამოიცა, ცვლილება კი საქართველოს პრეზიდენტის 2013 წლის 26 ნოემბრის №928 ბრძანებულებაში შევიდა.

შეწყალების საკითხთა კომისიის შემადგენლობა ცვლილების შემდეგ ასე გამოიყურება:

  • ზვიად ქორიძე - ჟურნალისტი, შეწყალების კომისიის თავმჯდომარე.
  • ლია მუხაშავრია - იურისტი, უფლებადამცველი.
  • ეკა გიგაური - საერთაშორისო გამჭვირვალობა-საქართველოს აღმასრულებელი დირექტორი.
  • ვასილ (ბასა) ჯანიკაშვილი - მწერალი, დრამატურგი.
  • რევაზ კიკნაძე - სსიპ - თბილისის ვანო სარაჯიშვილის სახელობის სახელმწიფო კონსერვატორიის რექტორი.
  • კონსტანტინე ჯანდიერი - მწერალი.
  • უჩა ნანუაშვილი - საქართველოს სახალხო დამცველი.
  • გივი შაჰნაზარი - მწერალი.
  • მიტროპოლიტი თეოდორე (ჭუაძე) - სრულიად საქართველოს კათოლიკოს-პატრიარქის ქორეპისკოპოსი, ახალციხისა და ტაო-კლარჯეთის მიტროპოლიტი.
  • ნონა გაფრინდაშვილი - ხუთგზის მსოფლიო ჩემპიონი ჭადრაკში.
  • ზაზა ფირალიშვილი - ფილოსოფოსი, პროფესორი.