ერთიანი ნაციონალური მოძრაობის წევრი სალომე სამადაშვილი NDI-ს კვლევის შედეგთან დაკავშირებით მიიჩნევს, რომ თუკი ამომრჩევლის დიდ ნაწილს გადაწყვეტილება მიღებული არ აქვს, ისინი ხელისუფლებისთვის ხმის მიცემას აღარ აპირებენ:

„რადგან ამომრჩევლის დიდ რაოდენობას გადაწყვეტილება მიღებული არ აქვს, მიუთითებს ერთ რამეს - ეს ამომრჩეველი დღევანდელ ხელისუფლებას ხმა აღარ მისცემს, რადგან ყველამ ნათლად დაინახა ამ ხელისუფლებას რისი გაკეთებაც შეეძლო".

სალომე სამადაშვილის განმარტებით, საარჩევნო კამპანია ახალი დაწყებულია და ამირომ ამომრჩევლებს სხვა პოლიტიკური სუბიექტების სასარგებლოდ არ აქვთ გადაწყვეტილიება მიღებული:

"ჩვენ უნდა გვესმოდეს, რომ ეს გამოკითხვა ჩატარდა მაშინ, როდესაც ამომრჩევლამდე გზავნილების მიტანა ახალი დაწყებული იყო, არჩევნებამდე რამდენიმე კვირით ადრე კი გვექნება მდგომარეობა, როცა ამომრჩეველი საკმარისად იქნება ინფორმირებული".