როდესაც 6 წლის ამერიკელმა ბიჭმა დედისგან შეიტყო, რომ ამერიკისა და მექსიკის საზღვარზე არალეგალი ემიგრანტების ოჯახის წევრებს აცალკევებდნენ, გადაწყვიტა, რომ მათი დახმარება ყველანაირად ეცადა.

მან ლიმონათის გასაყიდი სტენდი სახლის წინ განათავსა. ოჯახმა საქველმოქმედო აქცია ფეისბუქზეც დაიწყო. ერთ კვირაში ლიმონათის გაყიდვით სულ 13 000 დოლარი შეგროვდა.

ოჯახი თანხას იმ არასამთავრობოებს გადაურიცხავს, რომლებიც დოკუმენტების გარეშე მყოფ ემიგრანტებს იურიდიულად და ინფორმაციულად ეხმარებიან.

ივნისში 2 000-ზე მეტი მიგრანტი ბავშვი დააშორეს მშობლებს და მთავრობის მიერ კონტროლირებულ თავშესაფრებში გადაიყვანეს.