მამუკა ბახტაძე განაცხადა, რომ ეროვნულ გამოცდებზე, საგამოცდო ცენტრებში კონდიციონერის დაყენების მხრივ ცუდი გარემოებაა და ამ საკითხს მთავრობა განიხილავს. ჟურანლისტის კითხვაზე - რატომ იქნება კონდიციონერი მხოლოდ რუსთავის საგამოცდო ცენტრში, მაშინ როცა სინოპტიკოსები ცხელ ზაფხულს ვარაუდობენ და ცენტრის ხელმძღვანელს მაღალი ანაზღაურება აქვს, ბახტაძემ უპასუხა:

"ეს გარემოება არის ძალიან ცუდი, მე ასე შევაფასებდი. დღეს ჩვენ მთავრობის სხდომაზე აუცილებლად ვისაუბრებთ, თუ როგორ შეიძლება ეს უმოკლეს ვადებში მოგვარდეს. მაგრამ, რა თქმა, უნდა ეს იყო საკითხი, რომლის დაგეგმვაც, ალბათ, უკეთ შეიძლებოდა."

ერთიან ეროვნული გამოცდებზე კონდიციონერი მხოლოდ რუსთავის საგამოცდო ცენტრში იქნება. გამოცდების ეროვნულ ცენტრში On.ge-ს უთხრეს, რომ რუსთავი საპილოტე პროგრამის ფარგლებში შეირჩა, ვინაიდან იქ ყველაზე მაღალი ტემპერატურაა, სწორედ ამიტომ დამონტაჟდა იქ კონდიციონერი.

ერთიანი ეროვნული გამოცდები, როგორც წესი, ზაფხულის შუა რიცხვებში, ძირითადად, საჯარო სკოლებში მოწყობილ საგამოცდო ცენტრებში ტარდება. 2018 წლის გამოცდები 2 ივლისს დაიწყება და 26 ივლისის ჩათვლით გაგრძელდება. ამ დრომდე კონდიციონერი არცერთ საგამოცდო ცენტრში იყო.

შარშან გამოცდების მიმდინარეობისას აბიტურიენტები სიცხისგან ცუდად გახდნენ. გარდა ამისა, მაღალი ტემპერატურის გამო აფეთქდა კალმებიც.