იაპონურმა კომპანიამ 64 წლის თანამშრომელი დააჯარიმა და საჯარო საყვედური გამოუცხადა, მას შემდეგ, რაც მან სამუშაო მაგიდა ლანჩისთვის 3 წუთით ადრე დატოვა.

დასაქმებულს, რომლის ვინაობაც არ ხმაურდება, ნახევარი დღის ანაზღაურება ჩამოაჭრეს.

ამის შემდეგ, კომპანიის ხელმძღვანელებმა სატელევიზიო კონფერენცია გამართეს, მის ქცევას "ძალიან სამწუხარო" უწოდეს და მის გამო ბოდიში მოიხადეს.

"ლანჩისთვის შესვენება 12-დან 1-მდეა, მან კი თავისი სამუშაო მაგიდა უფრო ადრე დატოვა", - უთხრა კომპანიის წარმომადგენელმა მედიას და დასძინა, რომ თანამშრომელმა საჯარო სამსახურის მომსახურების წესები დაარღვია.

იაპონიამ ცოტა ხნის წინ მიიღო კანონი, რომლის მიხედვითაც ზეგანაკვეთური შრომა თვეში 100 საათზე მეტი არ უნდა იყოს. 2015 წელს, 24 წლის ქალმა თავი მოიკლა, რადგან კომპანია თვეში 100 საათზე მეტს ზეგანაკვეთურ შრომას აიძულებდა. მის მოვალეობებში შედიოდა შაბათ-კვირას მუშაობაც. იაპონიაში ცოტა ხნის წინ, გადატვირთული მუშაობით დაღუპულთა სტატისტიკა გაიზარდა.

2016 წელს იაპონიის მთავრობამ განაცხადა, რომ ყოველი 5 დასაქმებულიდან ერთი გადატვირთული მუშაობით სიკვდილის რისკის ქვეშ იყო.