მიუხედავად იმისა, რომ უკვე საკმაოდ დათბა, სულაც არ ნიშნავს, რომ ზაფხული ოფიციალურად მოვიდა, რადგან ეს დღეს, 21 ივნისს, ზაფხულის მზებუდობისას მოხდება, როდესაც წლის ყველაზე ხანგრძლივ დღესა და ყველაზე მოკლე ღამეს ვიხილავთ.

ზაფხულის მზებუდობა

ფოტო: Coventry Telegraph

მეტეოროლოგებმა ამინდზე დაკვირვების შედეგად, წელიწადი ოთხ სხვადასხვა სეზონად დაჰყვეს, სწორედ ამიტომ კალენდრის მიხედვით პირველი ივნისი, ზაფხულის პირველი დღეა, რეალურად კი ყველაზე ცხელი სეზონი, ზაფხულის მზებუდობის შემდეგ, 21 ივნისს იწყება.

ზაფხულის მზებუდობა ყოველ წელს, 20 ივნისიდან 22 ივნისამდე პერიოდს მოიცავს, როდესაც მზე ჩრდილოეთ ნახევარსფეროს უკიდურეს წერტილს აღწევს და შედეგად დღე 17 საათის განმავლობაში გრძელდება.

ფოტო: EarthSky

წელს ზაფხულის მზებუდობა აღმოსავლეთის დროით დილის 6 საათსა და 7 წუთზე დაიწყო. სამხრეთ ნახევარ სფეროში კი ყველაფერი პირიქით ხდება, რადგან აქ ზამთრის მზებუდობა და შესაბამისად ყველაზე ხანმოკლე დღე იწყება.

სტოუნჰენჯი და ზაფხულის მზებუდობა

მსოფლიოში ყველაზე ცნობილი ადგილი, სადაც მზებუდობას აღნიშნავენ, ინგლისის სამხრეთ-დასავლეთში მდებარე პრეისტორიული მონუმენტი სტოუნჰენჯია.

ერთ-ერთი თეორიის მიხედვით, გიგანტური ქვებით აგებული ეს ნაგებობა, მზესა და მზებუდობის მოვლენას უკავშირდებოდა. სწორედ ამიტომ 21 ივნისს მსოფლიოს სხვადასხვა კუთხიდან, ამ ადგილს ათასობით ტურისტი სტუმრობს.