იუსტიციის მინისტრობის კანიდატმა, თეა წულუკიანმა ევროპული საქართველოს წევრის, ირმა ნადირაშვილის კრიტიკას სასამართლო რეფორმების ჩაფლავების შესახებ 2012 წლის არჩევნების შეხსენებით უპასუხა. წულუკიანმა განაცხადა, რომ მათი გატარებული რეფორმები ჩაფლავებული არ არის:

"ქალბატონ ირმას [ნადირაშვილს], რაც შეეხება ჩააფლავე რეფორმებიო, მე ერთი შილა ფლავი მახსოვს 2012 წლის პირველ ოქტომბერს. ფლავი არ ვიცი საიდან მოვიდა... ამიტომ ამის დაკნინების მცდელობის უფლებას, სანამ მე ვარ პოლიტიკურ ასპარეზზე და შიგნით ვიქნები თუ გარეთ ვიქნები, ამის საშუალებას ნამდვილად ვერ მოგცემთ."

ამავე სხდომაზე წულუკიანმა განაცხადა, რომ დანაშაულის პრევენციის ცენტრიდან გათავისუფლებულ თანამშრომლებზე აქამდეც ბევრჯერ ისაუბრა. "როგორც ჩანს, კითხვის ავტორი [ანა სუბელიანი] მემორიალზე ცეკვავდა და არ ეცალა", - განაცხადა წულუკიანმა. მისივე თქმით, გათავისუფლებულებმა "ფულზე ვაჭრობა" დაიწყეს.

დღეს, 19 ივნისს პარლამენტში გაერთიანებული კომიტეტების სხდომაზე მინისტრობის კანდიდატებს უსმენენ.