კუკური ბარამიძის, იგივე დომენიკ მანგოზე ძალადობის ამსახველი ვიდეო დადგმულია. ამის შესახებ On.ge-ს შსს-დან აცნობეს.

შინაგან საქმეთა სამინისტროს ინფორმაციით, პოლიციამ მოკვლევის ფარგლებში გამოკითხა პირი, რომელმაც ვიდეო გადაიღო.

"გამოკითხვის შედეგად დადგინდა, რომ ვიდეო არის დადგმული და არავის მიმართ არ განხორციელებულა ძალადობის ფაქტი", - განაცხადეს შსს-ში.

ვიდეო, რომელიც დომენიკ მანგოს ფეისბუქგვერდზე გამოქვეყნდა, ჩანდა თუ როგორ აიძულებს რამდენიმე ადამიანი დომენიკ მანგოს ბოდიშის მოხდას პატრიარქისა და მართლმადიდებლობის შეურაცხყოფისთვის.