სიამაყე და ცრურწმენა 20 წლის შემდეგ — ნახეთ ძველი და ახალი მსახიობები

ჯეინ ოსტინის რომანები უკვე ორ საუკუნეზე მეტია მკითხველებს აჯადოებს, თუმცა სიამაყე და ცრურწმენა დღემდე ყველაზე ფართოდ წაკითხვად ნაწარმოებად რჩება და მუდამ აქტუალურია. მისი მკვეთრი სოციალური კომენტარი და დაუვიწყარი სიყვარულის ისტორია არაერთი ადაპტაციის შთაგონების წყაროდ იქცა და რომანტიკული ჟანრის ერთგვარ საფუძვლადაც ჩამოყალიბდა.

ნეტფლიქსი ახლა ამ კლასიკას ახალ სიცოცხლეს აძლევს: ექვსეპიზოდიანი სერიალის ადაპტაციას ბესტსელერი ავტორი დოლი ოლდერტონი და რეჟისორი ეუროს ლინი ქმნიან. მათი ვერსია ჯეინ ოსტინის ორიგინალური ტექსტის მაქსიმალურად ერთგული იქნება, სერიალი უფრო ინტიმური, პერსონაჟებზე ორიენტირებული და ემოციურად მდიდარი ინტერპრეტაციაა, რომელიც ერთდროულად ძველ თაყვანისმცემლებსაც გააერთიანებს და ამ ისტორიას ახალ თაობასაც გააცნობს.

სერიალში ადრე უკვე დაანონსდა სამი მთავარი მსახიობი: ოქროს გლობუსის მფლობელი ემა კორინი და BAFTA-ს ლაურეატი ჯეკ ლოუდენი — ელიზაბეთ ბენეტისა და მისტერ დარსის როლებში, ხოლო ოსკარის მფლობელი ოლივია კოლმანი მისის ბენეტის როლში. დამატებით ცნობილი გახდა, რომ პროექტს უერთდებიან რუფუს სიუელი, ფრეია მეივორი, ჯეიმი დემეტრიუ, დარილ მაკკორმაკი, რია ნორვუდი, სიენა კელი და ლუის პარტრიჯი.

შედარებისთვის, სიამაყე და ცრურწმენის ბოლო დიდი ეკრანული ადაპტაცია 2005 წელს გამოვიდა, ჯო რაიტის რეჟისორობით შექმნილ ფილმში ელიზაბეთ ბენეტის როლს კირა ნაითლი ასრულებდა, მისტერ დარსის — მეთიუ მაკფადიენი, ხოლო მისის ბენეტის — ბრენდა ბლეთინი. ფილმი ვიზუალური ესთეტიკით, კლასიკური ატმოსფეროთი და უფრო კონცენტრირებული, ორსაათიანი ნარატივით გამოირჩეოდა და დღემდე ერთ-ერთ ყველაზე პოპულარულ ეკრანიზაციად ითვლება.

ნახეთ, 2005 წლის სიამაყე და ცრურწმენის და ახალი სერიალის მსახიობები:

ელიზაბეთ ბენეტი

მისტერ დარსი

მისის ბენეტი

მისტერ ბენეტი

ჯეინ ბენეტი

ლიდია ბენეტი

მერი ბენეტი

კიტი ბენეტი

მისტერ ბინგლი

ქეროლაინ ბინგლი

მისტერ კოლინზი

ლედი კეტრინ დე ბურგი

სერიალის პრემიერა 2026 წლისთვის იგეგმება, თუმცა ზუსტი თარიღი ჯერ არ არის ცნობილი.

ასევე ნახეთ:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…

ბოლო ამბები:

გირჩევთ