ახალი ამბები On.ge

ელენე ხოშტარია

24 Feb. 2026, 16:47

"24 თებერვალი არის XXI საუკუნის განმსაზღვრელი თარიღი. დღე, როდესაც ყველასთვის მოულოდნელად ღირსებამ, ქვეყნის სიყვარულმა, მორალურმა ძალამ დაიწყო ბოროტების, დიქტატურის, უღირსობის დამარცხება. უკრაინელი ხალხი დიდი ტკივილით და გამძლეობით წინ აღუდგა ცინიზმს, არაადამიანობას და განუკითხაობას. უკრაინა აუცილებლად გაიმარჯვებს!
ჩვენი ქვეყნისთვის, საზოგადოებისთვის ეს ომი დიდი გამოწვევაა — ჩვენი ჩამოსარეცხია "რუსული ოცნების" სისასტიკე, არაადამიანობა, სირცხვილი და ქვეყნის ინტერესების ღალატი. აქამდე ამას ვახერხებდით, არც ახლა უნდა გავჩერდეთ. დიდი ტვირთი იქნება ჩვენთვის ფაქტი, რომ სისხლიან ტერორისტულ რეჟიმს ქართველი მოღალატეები ეხმარებოდნენ, რომ ბუჩაში წასვლაზე თქვეს უარი, რომ ზელენსკის ლანძღავენ, რომ უკრაინელი დევნილები გამოყარეს სასტუმროებიდან, რომ ხალხის, ბავშვების მკვლელობით ხეირობენ. ძალიან მძიმეა ამის გააზრება, მაგრამ სიმძიმეზე მეტად დიდი პასუხისმგებლობაა, რომ დავამარცხოთ ეს ბოროტი ძალა — ბოროტი არაქართული, უღირსი ძალა. დასანქცირება ძალიან პატარა ფასია, რისი გადახდაც მოგიწევთ ამისთვის!

უკრაინამ შეცვალა მსოფლიო და ბევრი ახალი შესაძლებლობა მოიტანა თავისუფლებისა და სამართლიანობის მოპოვებისთვის. აქ პარაზიტირება კიდევ ერთი დანაშაულია, ამიტომ საზოგადოებამ, ოპოზიციამ უნდა ვიტვირთოთ სწორი და აქტიური როლი ახალი მსოფლიო წესრიგისა და რეგიონში ნამდვილი მშვიდობის დამყარებაში.

ამ დღეს არ შემიძლია, უდიდესი პატივისცემა არ გამოვხატო ქართველი მეომრების მიმართ. ასევე დიდი მადლობა სოფია ჭყონიას, ნინო ქათამაძეს, ნიკოლოს რაჭველს. დიდი მადლობა სოფია ჩიქოვანს და დავით კეზერაშვილს უკრაინელი დევნილების უდიდესი დახმარებისთვის, ყველა ბიზნესმენს და მოქალაქეს, ვინც იმ მძიმე წელიწადს თუნდაც ლარი გაიღო მათთვის, უმასპინძლა და იზრუნა.

დიდება გმირებს!

Слава Україні!"

"კოალიცია — ცვლილებისთვის" ერთ-ერთი ლიდერი, ელენე ხოშტარია რუსთავის ქალთა ციხიდან განცხადებას აქვეყნებს.

შეგახსენებთ, რუსეთი უკრაინაში 2022 წლის 24 თებერვალს შეიჭრა. ამ დღეს რუსეთის პრეზიდენტმა, ვლადიმერ პუტინმა უკრაინის "დემილიტარიზაციასა და დენაციფიკაციისთვის" "სპეციალური სამხედრო ოპერაციის" დაწყება გამოაცხადა და რამდენიმე წუთში, უკრაინის ყველა რეგიონში საჰაერო და სარაკეტო იერიშები დაიწყო.

მანამდე, 2014 წელს რუსეთი ყირიმში შეიჭრა და მიიერთა ის, ასევე რუსეთის მიერ მხარდაჭერილმა სეპარატისტებმა დაიკავეს დონბასის ნაწილი სამხრეთ-აღმოსავლეთ უკრაინაში, კერძოდ ლუჰანსკისა და დონეცკის ოლქები.

0 0

კომენტარები

კვირის ტოპ-5

  1. პაატა ბურჭულაძე: ჩემი ასაკიდან გამომდინარე ამ ორმა “დიდად პატივცემულმა” პროკურორმა ხელმოსაწერად მოგართვათ ჩემი ნეკროლოგი
  2. ეტრანზიტული მილსადენები და სხვა კონომიკური კავშირები აზერბაიჯანთან
  3. მეუფე ზენონი: მეუფე შიო საშიშია საქართველოს ეკლესიისთვის პატრიარქად
  4. ევროპული სკოლა: სკოლის ადმინისტრაციამ მყისიერად და სრულად აამოქმედა შესაბამისი რეაგირების მექანიზმები
  5. თბილისის მეტროს პირველი ხაზი გაჩერებულია — მეტრო "300 არაგველის" ლიანდაგებში მგზავრი ჩავარდა

გირჩევთ

ახლა კითხულობენ

გადახედვა

ჟურნალისტ გელა მთივლიშვილზე თავდასხმის ფაქტზე გამოძიება ძალადობის მუხლით დაიწყო

ჟურნალისტ გელა მთივლიშვილზე თავდასხმის ფაქტზე გამოძიება სსკ-ის 126-ე მუხლით დაიწყო, რაც ძალადობას გულისხმობს —…