უკრაინაში სრულმასშტაბიანი შეჭრიდან ოთხი წლის შემდეგ, დიდი ბრიტანეთის მთავრობა რუსეთის წინააღმდეგ ყველაზე მასშტაბურ სანქციების პაკეტს აცხადებს. ამის შესახებ ინფორმაციას ბრიტანეთის მთავრობა ავრცელებს. მათი ცნობით, აღნიშნული შეზღუდვები რუსული ნავთობის შემოსავალს შეამცირებს და კრემლის უკანონო ომის წარმოების უნარს კიდევ უფრო შეამცირებს.

გამოცხადდა თითქმის 300 ახალი სანქცია, რადგან დიდი ბრიტანეთი რუსეთის ენერგეტიკულ შემოსავლებზე, მათ შორის ნავთობის ექსპორტსა და სამხედრო აღჭურვილობის ძირითად მომწოდებლებზე ზეწოლას ახორციელებს, რაც საომარ მოქმედებებს უზრუნველყოფს.

რუსეთის ნავთობის შემოსავლები 2020 წლიდან ყველაზე დაბალ ნიშნულზეა, რადგან დიდი ბრიტანეთი და საერთაშორისო პარტნიორები აგრძელებენ პუტინის მოქმედ საომარ მანქანაზე ზეწოლას.

....დღევანდელი ქმედება მიმართულია მსოფლიოში ერთ-ერთი უდიდესი ნავთობსადენის კომპანიის, Transneft-ის წინააღმდეგ, რომელიც პასუხისმგებელია რუსული ნავთობის ექსპორტის 80%-ზე მეტის ტრანსპორტირებაზე, რაც კიდევ უფრო აფერხებს კრემლის თავზეხელაღებულ ბრძოლას მისი სანქცირებული ნავთობისთვის კლიენტების მოსაძებნად.

ამ დროისთვის საერთაშორისო სანქციებმა პუტინს $450 მლრდ-ზე მეტი წაართვა, რაც მისი უკანონო ომის დაფინანსების კიდევ 2 წლის ეკვივალენტია. გასული წლის ამ დროიდან რუსეთის ეკონომიკა სტაგნაციაშია და მათი შემოსავლების ნაკადები ვარდნის პროცესშია, ნავთობიდან მიღებული შემოსავლები კი 2020 წლიდან ყველაზე დაბალ დონეზეა. დაკარგული შემოსავლების კომპენსაციის მცდელობისას, კრემლი იძულებული გახდა გაეზარდა გადასახადები რიგითი რუსებისთვის, მათ შორის დღგ და კორპორაციული გადასახადი.

ახალი ზომები ასევე შეეხო რუსეთის უკანონო ნავთობმოვაჭრეების ჩრდილოვან ქსელს, სანქციები დაუწესსა "დრუჟბას" ნავთობკომპანია 2Rivers-ის ქსელში შემავალ 175 კომპანიას, რომელიც მსოფლიოში ერთ-ერთი უდიდესი ჩრდილოვანი ფლოტის ოპერატორი და რუსული ნედლი ნავთობის მთავარი მოვაჭრეა.

რუსეთის ჩრდილოვანი ფლოტის შეკავება, ჩაშლა და დეგრადაცია ამ მთავრობის პრიორიტეტად რჩება და სანქციების ეს უკანასკნელი სერია მოიცავს 48 ნავთობტანკერს, რომლებსაც ნავთობი გადააქვთ, რაც კრემლის სასოწარკვეთილი მცდელობის ნაწილია, შეამსუბუქოს გამანადგურებელი სანქციების დარტყმა. კრემლისა და მათთვის, ვინც ამ უკანონო ვაჭრობიდან მოგების მიღებას ცდილობს, გზავნილი ნათელია — რუსული ნავთობი ბაზრიდან ამოღებულია.

დიდმა ბრიტანეთმა რუსეთის რეჟიმის ქვეშ 3000-ზე მეტ ფიზიკურ პირს, ბიზნესსა და გემს დააკისრა სანქციები. საგარეო საქმეთა მინისტრი დღეს კიევს სტუმრობს, სადაც მან ასევე გამოაცხადა უკრაინისთვის სამხედრო, ჰუმანიტარული და რეკონსტრუქციის მხარდაჭერის ახალი პაკეტი.

უკრაინაში რუსეთის შეჭრის 4 წლისთავთან დაკავშირებით უკრაინაში იმყოფება დიდი ბრიტანეთის საგარეო საქმეთა მინისტრი ივეტ კუპერი. მისი თქმით, დღეს დიდმა ბრიტანეთმა განაცხადა, რომ "£30 მლნ-ზე მეტს გამოყოფს უკრაინის მდგრადობის გასაძლიერებლად რუსული დარტყმების შემდეგ, რომელმაც მიმდინარე ზამთარში მშვიდობიანი მოსახლეობა სიბნელეში ჩაძირა. £25 მლნ-ზე მეტი მოხმარდება დაზიანებული ენერგეტიკული ინფრასტრუქტურის შეკეთებას და იმ მამაკაცების, ქალებისა და ბავშვების მხარდაჭერას, რომელთა სიცოცხლეც რუსეთის აგრესიის გამო კვლავ საფრთხის ქვეშაა. კიდევ £5 მლნ სტერლინგი ხელს შეუწყობს სამართლიანობისა და პასუხისმგებლობის აღსრულებას რუსეთის სავარაუდო ომის დანაშაულების მსხვერპლთათვის", — აცხადებს მინისტრი.

"რუსეთი უკვე ოთხი წელია, რაც უკრაინაში ომს პუტინი სამდღიან შეჭრას უწოდებს. რადგან კრემლი აგრძელებს ბარბაროსულ თავდასხმას უდანაშაულო მშვიდობიანი მოსახლეობის წინააღმდეგ, რომლებმაც ათწლეულის განმავლობაში ყველაზე სასტიკი ზამთარი განიცადეს.

დიდმა ბრიტანეთმა დღეს გადამწყვეტი ზომები მიიღო, რათა შეაფერხოს კრიტიკული დაფინანსება, სამხედრო აღჭურვილობა და შემოსავლის ნაკადები, რომლებიც მხარს უჭერენ რუსეთის აგრესიას", — თქვა დიდი ბრიტანეთის საგარეო საქმეთა მინისტრმა ივეტ კუპერმა