ქართული ოცნების წევრის, ზაქარია ქუცნაშვილის თქმით, უმრავლესობის შეხვედრაზე "შიგადაშიგ საკადრო ცვლილებებზეც იყო საუბარი". პირველი არხის ინფორმაციით, ქუცნაშვილმა აღნიშნა, რომ სხდომაზე ყველა საკითხზე ისაუბრეს, რაც დღეს აქტუალურია.

"წინადადებები და მოსაზრებები იყო ამის [საკადრო ცვლილებების] თაობაზე, თუმცა განხილვა არ ყოფილა. მათ შორის არც პრემიერ-მინისტრის გადადგომაზე. უმრავლესობის სხდომაზე ყველა საკითხზე ვმსჯელობთ, რაც კი აქტუალურია. საუბარი იყო ეკონომიკურ მაჩვენებლებზე და იმ შედეგებზე, რამაც ჩვენი მოსახლეობის ჭარბვალიანობა გამოიწვია. გვჭირდება ეფექტური ზომები. რომ დავიცვათ მოსახლეობა ამისგან, რადგან ჭარბვალიანობა სიღარიბის ერთ-ერთი მიზეზია", - განაცხადა ზაქარია ქუცნაშვილმა.

შეხვედრის დასრულების შემდეგ დეპუტატმა ლევან კობერიძემ განაცხადა, რომ უმრავლესობამ UNICEF-ის კვლევა განიხილა და მთავრობაში განსახორციელებელ ცვლილებებზე არ უსაუბრიათ.

ქართული ოცნების ოფისში დღეს უმრავლესობის სხდომა გაიმართა. მედიის ინფორმაციით, სხდომა სამთავრობო ცვლილებებს უკავშირდებოდა.

გაიგეთ მეტი: