უმრავლესობის დეპუტატმა დავით ჭიჭინაძემ განაცხადა, რომ, რადგანაც საზოგადოებაში მოთხოვნა და პროტესტი არის, ალბათ, საჭიროა რიგი მინისტრები შეიცვალნონ.

კითხვაზე, შესაძლოა თუ არა, იუსტიციის მინისტრი თეა წულუკიანი გადადგეს, ჭიჭინაძემ უპასუხა, რომ "დეტალები არ იცის".

პარტია ქართული ოცნების ოფისში საპარლამენტო უმრავლესობის სხდომა ჩაინიშნა. წინასწარი ინფორმაციით, უმრავლესობის სხდომა სამთავრობო ცვლილებებს უკავშირდება.

სხდომის დაწყებამდე დეპუტატმა ნუკრი ქანთარიამ აღნიშნა, რომ მიმდინარე პროცესებმა ბევრი პრობლემა აჩვენა, რომელიც საჭიროებს გადაწყვეტას. მისივე თქმით, მთავრობაში პოლიტიკური კრიზისი არ არის.