იაჰუს მესენჯერი, რომლის გარეშეც წლების წინ ცხოვრება წარმოუდგენელი იყო, 17 ივლისს გაუქმდება. ყველა მომხმარებელი იაჰუს ახალ აპლიკაციაზე, Squirrel-ზე, ავტომატურად გადავა.

მომხმარებლებს იაჰუს მესენჯერში არსებული სასაუბრო ისტორიის ჩამოწერა 6 თვის განმავლობაში შეეძლებათ, ამ დროის შემდეგ, კი სერვერები მათთვის სამუდამოდ დაიხურება.

იაჰუს მესენჯერი 1998 წელს შეიქმნა და მას თავდაპირველად Yahoo Pager ერქვა. 90-იანების ბოლოსა და 2000-ების დასაწყისში ის ერთ-ერთი ყველაზე პოპულარული ჩათი იყო, თუმცა ბოლო წლებში მან WhatsApp-სა და ფეისბუქის მესენჯერს კონკურენცია ვეღარ გაუწია.