საგანგებო სიტუაციების მართვის სამსახურის ინფორმაციით, თბილისში, ძლიერი წვიმის შედეგად, 01:00 საათის მონაცემებით, შემოსულია 153 შეტყობინება. უწყების ცნობით, შემოსული შეტყობინებების ნაწილი ფიქტიური აღმოჩნდა

"ყველაზე მეტი შეტყობინება ფიქსირდება გლდანი-ნაძალადევის რაიონიდან. შეტყობინებები შემოსულია ასევე: დიდუბე-ჩუღურეთის, ისანი-სამგორის და ვაკე-საბურთალოს რაიონებიდან", - ნათქვამია განცხადებაში.

საგანგებო სიტუაციების მართვის სამსახურის ცნობით, ამ წუთებში, მთელი ქალაქის მასშტაბით, სამაშველო სამუშაოებში ჩართულია თბილისის ყველა სახანძრო-სამაშველო სამსახური.

ბოლო ინფორმაციით, წყლის ძლიერმა ნაკადმა დააზიანა გლდანი-სოფელი გიორგიწმინდის დამაკავშირებელი გზა.

მეხანძრე-მაშველებმა უნივერსიტეტის ქუჩაზე ჩარჩენილი მანქანების უსაფრთხო გაყვანა უზრუნველყვეს.

ვარკეთილის მიმდებარე ტერიტორიაზე რამდენიმე ხის წაქცევის გამო გზა ჩაიხერგა, ამ დროისთვის, გზა გაწმენდილია და შეფერხებები მოხსნილია.

მეხანძრე-მაშველებმა უზრუნველყვეს იმ მოქალაქეების უსაფრთხო გადაადგილება, რომლებიც ავტოსატრანსპორტო საშუალებით მოძრაობდნენ.

საგანგებო სიტუაციების მართვის სამსახურში დაშავებულების შესახებ შეტყობინება არ შემოსულა.

ამავე თემაზე: