გომბორზე ფერდობზე გადავარდნილი მიკროავტობუსის მძღოლი დააკავეს. შინაგან საქმეთა სამინისტროს ინფორმაციით, მიკროავტობუსი გზის სავალი ნაწილიდან გადავიდა და ფერდობზე გადავარდა.

თბილისიდან კახეთისკენ მიმავალ მიკროავტობუსში 175-ე სკოლის მე-6 კლასის მოსწავლეები მშობლებთან ერთად იყვნენ. შემთხვევის შედეგად მიკროავტობუსის 4 მგზავრი გარდაიცვალა, ხოლო 21 დაშავდა. გარდაცვლილებს შორის ერთი ბავშვია.

მომხდარ ფაქტთან დაკავშირებით გამოძიება სსკ-ს 276-ე მუხლის მე-7 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია. ჩადენილი დანაშაული 6-დან 10 წლამდე თავისუფლების აღკვეთას ითვალისწინებს.