ხორავას ქუჩის საქმის გამოძიების ფარგლებში პროკურატურის ყოფილი მაღალჩინოსანი მირზა სუბელანი დააკავეს.

შს მინისტრის მოადგილის ნათია მეზვრიშვილის განცხადებით, მირზა სუბელიანი დანაშაულის შეუტყობინებლობის ბრალდებით დააკავეს

ის შსს-ში დღეს, 9 ივნიის დაკითხვაზე იმყოფებოდა. აქამდე ის უკვე ორჯერ იყო გამოკითხვაზე.

51-ე სკოლის მოსწავლეების მკვლელობის საქმეში მოწმეზე ზეწოლის ბრალდებით მერაბ მორჩაძე დააკვეს. მისი ადვოკატის, ზაალ თავაძის თქმით, მისი დაცვის ქვეშ მყოფს, სავარაუდოდ, მიხეილ კალანიაზე ზეწოლას ედავებიან. მორჩაძე ბრალდებას არ აღიარებს.

შსს-ს ინფორმაციით, მორჩაძის დაკავება მკვლელობის ძირითადი საქმიდან გამოყოფილი იმ სისხლის სამართლის საქმის ფარგლებში განხორციელდა, რომელზეც გამოძიებას შინაგან საქმეთა სამინისტრო აწარმოებს. შსს ამ ეტაპზე არ აკონკრეტებს ვისზე განხორციელებული შესაძლო ზეწოლის ბრალდებით დააკავეს მერაბ მორჩაძე.