რუსეთის პრეზიდენტმა, ვლადიმერ პუტინმა განაცხადა, რომ აშშ-ის პრეზიდენტთან, დონალ ტრამპთან შეხვედრა კონსტრუქციული იქნება. ამის შესახებ მან როსია 24-თან ინტერვიუში ისაუბრა, რომლის სრული ვერსია მოგვიანებით გავრცელდება.

"ის [ტრამპი] გააზრებული ადამიანია, მას მოსმენა შეუძლია და მოსაუბრის მიერ მოყვანილ არგუმენტებზე რეაგირებს. აქედან გამომდინარე ვვარაუდობ, რომ დიალოგი შესაძლოა, იყოს კონსტრუქციული", - განაცხადა პუტინმა.

პუტინის პრესმდივანმა, დიმიტრი პესკოვმა ჟურნალისტებს დაუდასტურა, რომ პუტინმა და ტრამპმა სამომავლო შეხვედრის შესახებ ბოლო სატელეფონო საუბრის დროს, 20 მარტს განიხილეს.პესკოვის თქმით, ამ ეტაპზე კონკრეტული შეთანხმება არ არსებობს.