აშშ-ის პრეზიდენტის, დონალდ ტრამპის განცხადებით, ჩრდილოეთ კორეის ლიდერთან, კიმ ჩენ ინთან 12 ივნისს ჩანიშნული სამიტი შეიძლება, გადაიდოს. ამის შესახებ მან თეთრ სახლში სამხრეთ კორეის პრეზიდენტთან, მუნ ჯეი ინთან შეხვედრისას განაცხადა.

"გარკვეული პირობები გვაქვს, რომელიც გვინდა, რომ შესრულდეს. მგონია, ამას მივაღწევთ. თუ პირობები არ შესრულდება, შეხვედრა არ იქნება", - განაცხადა ტრამპმა.

შეხვედრაზე ტრამპმა არ დააზუსტა რა პირობებზეა საუბარი. მისივე თქმით, შეხვედრის თარიღმა შესაძლოა, ერთი თვით გადაიწიოს.

ჩრდილოეთ კორეის ხელისუფლებამ, გასულ კვირას განაცხადა, რომ თუ აშშ ბირთვულ განიარაღებას ცალმხრივად მოითხოვს, სამიტი შესაძლოა, გაუქმდეს.

27 აპრილს ჩრდილოეთ კორეის ლიდერმა, კიმ ჩენ ინმა და სამხრეთ კორეის პრეზიდენტმა მუნ ჯეი ინმა, ხელი მოაწერეს დეკლარაციას მშვიდობასა და კორეის ნახევარკუნძულის ერთობაზე. გარდა ამისა, როგორც დოკუმენტშია ნათქვამი, ამ წელს კორეის ომის დასრულებას გამოაცხადებენ.

გაიგეთ მეტი: