2017 წელს 3 599 ქალი ძალადობის მსხვერპლი იყო, რაც მკვეთრად აღემატება წინა წლის მაჩვენებელს (2 585). ოჯახში ძალადობის სტატისტიკას ინფორმაციის თავისუფლების განვითარების ინსტიტუტი (IDFI) აქვეყნებს.

ორგანიზაციის მიერ გავრცელებულ მონაცემებში ჩანს, რომ 2013-2018 წლებში ოჯახში ძალადობის 6 464, ჯანმრთელობის დაზიანების 172 და მკვლელობის 89 შემთხვევა დაფიქსირდა.

ამავე პერიოდში, ოჯახში ძალადობის ფაქტების ყველაზე მეტი შემთხვევა თბილისში (1 779), იმერეთი-რაჭა-ლეჩხუმში (1 106), კახეთსა (784) და ქვემო ქართლში (702) დაფიქსირდა.

IDFI-ის კვლევით დადგინდა ისიც, რომ 2015 წლიდან ყოველწლიურად 50 პროცენტით იზრდებოდა შემთხვევების რაოდენობა.

კვლევის თანახმად, 2016 წელს წინა წელთან შედარებით, მკვეთრად იკლო ძალადობის შემთხვევების გახსნის მაჩვენებელმა და 92%-დან 68%-მდე დაეცა.

2017 წელს ოჯახში ძალადობის ჩამდენთა შორის 3 492 კაცი იყო, 393 კი - ქალი.