დანიელი რეჟისორი ლარს ფონ ტრიერი 7-წლიანი აკრძალვის შემდეგ კანის კინოფესტივალს ახალი დრამით უბრუნდება. ფილმის პრემიერა კანში უკვე შედგა. თუმცა როგორც აღმოჩნდა მაყურებლის ნაწილმა იმ სასტიკ სცენებს, რაც ტრიერისთვის ყოველთვის დამახასიათებელი იყო, ვერ გაუძლო და მათმა დიდმა ნაწილმა დარბაზის დატოვება გადაწყვიტა.

როგორც აღმოჩნდა, ფილმი სავსეა ბავშვებსა და ქალებზე ძალადობის სცენებით, სწორედ ეს გახდა მაყურებლის მხრიდან დარბაზის დატოვების მიზეზი.

ფილმის, The House That Jack Built, სიუჟეტი სერიული მკვლელის ისტორიას მოგვითხრობს და როგორც ტრირი ამბობს, მთავარი პერსონაჟი მაღალი ინტელექტის მქონე კრიმინალია, რომლის ჩამოყალიბებასაც მაყურებელი 12 წლის განმავლობაში ჩადენილი მკვლელობების მიხედვით დააკვირდება. ფილმში მთავარ როლეს მეთ დილონი და უმა თურმანი ასრულებენ.

რეჟისორის თქმით, ფილმის შექმნის დროს მისი "შთაგონების წყარო" დონალდ ტრამპი გახდა.

"ჩემი ახალი ფილმის მთავარი იდეა ისაა, რომ ცხოვრება აზრისგან დაცლილი და სასტიკია, რასაც ჰომო ტრამპუსის, ვირთხების მეფის აღზევებაც ამტკიცებს", - აცხადებს რეჟისორი.