ყველა თანახმა და არც ერთი წინააღმდეგი - ქართული ოცნების დამფუძნებელი და ყოფილი პრემიერ-მინისტრი ბიძინა ივანიშვილი პარტიის თავმჯდომარედ დაინიშნა. მან ამ თანამდებობაზე მოქმედი პრემიერი, გიორგი კვირიკაშვილი შეცვალა.

"ადამიანი, რომელმაც გარდამტეხი როლი შეასრულა ქვეყნის ისტორიაში", - ასე წარადგინა კახა კალაძემ ბიძინა ივანიშვილი.

დღეს, 11 მაისს ქართული ოცნების ყრილობა მთამწინდაზე კლუბ ანდერვილში ჩატარდა. ყრილობაზე დასწრების უფლება არ მისცეს ჟურნალისტებს, თუმცა ის ტელევიზიით პირდაპირ ეთერში გადაიცემოდა.

26 აპრილს ცნობილი გახდა, რომ ბიძინა ივანიშვილი ისევ პოლიტიკაში ბრუნდებოდა და პარტიის თავმჯდომარე იქნებოდა.