თბილისში, მთაწმინდისკენ მიმავალი გზა გადაკეტილი. ქართული ოცნების ყრილობამდე მისასვლელად ჟურნალისტებს საკუთარი ტრანსპორტის დატოვება და გზის ფეხით გავლა ან სპეციალური ტრანსპორტით გადაადგილება უწევთ. ამის შესახებ ადგილიდან On.ge-ს ჟურნალისტი იუწყება.

მისი თქმით, მანქანა, რომლითაც ის ცდილობდა ყრილობამდე მისვლას, საპატრულო პოლიციის თანამშრომელმა გააჩერა და უთხრა, რომ სასურველი მიმართულებით მოძრაობას ვერ გააგრძელებდა.

გარდა ამისა, თბილისში, თავისუფლების მოედნიდან მთაწმინდისკენ მიმავალ გზაზე საპატრულო პოლიციის თანამშრომლები და მანქანები არიან მობილიზებული. რამდენიმე წუთში მთაწმინდაზე "ანდერვილში" ქართული ოცნების ყრილობა დაიწყება.

საქართველოს შინაგან საქმეთა სამინისტროში ამბობენ, რომ პატრულის თანამშრომლები გზაზე მოძრაობის წესების დასაცავად დგანან.

ამავე თემაზე: ქართული ოცნების ყრილობას ჟურნალისტები ვერ დაესწრებიან