BBC-ის ცნობით, ავღანელი ლტოლვილის ოთახში, რომელიც მატარებელში ნაჯახით შეიჭრა, სამართალდამცავებმა ხელით დახატული ე.წ. ისლამური სახელმწიფოს დროშა იპოვეს.

შემთხვევა საფრანგეთის ქალაქ ნიცაში მომხდარი თავდასხმიდან რამდნეიმე დღეში მოხდა, რომელზეც პასუხისმგებლობა ტერორისტულმა დაჯგუფება ისლამურმა სახელმწიფომ აიღო.

ნაჯახით შეიარაღებული პირი, რომელიც სამხრეთ გერმანიის ქალაქ ვურცბურგში მატარებელში შეიჭრა და მგზავრებს დაზიანება მიაყენა, წარმოშობით ავღანელი ლტოლვილი იყო.

ბავარიის შინაგან საქმეთა მინისტრის თქმით, თავდამსხმელი შემთხვევის ადგილიდან გაქცევას ცდილობდა, როდესაც პოლიციელებმა ესროლეს და მოკლეს.

18 ივლისს, ადგილობრივი დროით 21:15 საათზე, დანითა და ნაჯახით შეიარაღებული პირი გერმანიის ქალაქ ვურცბურგში მატარებელში შეიჭრა და რამდენიმე ადამიანს სერიოზული დაზიანებები მიაყენა. ამ დროისთვის ცნობილია, რომ დაშავებულია 4 მგზავრი. როგორც შს მინისტრი აცხადებს, მათ შორის სამი კრიტიკულ მდგომარეობაშია, ერთმა კი მსუბუქი დაზიანება მიიღო.