შინაგან საქმეთა სამინისტროს ინფორმაციით, გერმანიიდან, შვეიცარიიდან, ბელგიიდან და ისლანდიიდან საქართველოს 68 მოქალაქე რეადმისიით დააბრუნეს. ამავე რეისით, რეადმისირებულთა გარდა, ქვეყანაში საკუთარი სურვილით საქართველოს 5 მოქალაქე დაბრუნდა.

დუსელდორფი-თბილისის ჩარტერული რეისით საქართველოში დაბრუნდნენ ის მოქალაქეები, რომლებიც აღნიშნულ ქვეყნებში ყოფნის რეჟიმს აღარ აკმაყოფილებდნენ.

ჩარტერული ავიარეისი საქართველოს შინაგან საქმეთა სამინისტრომ გერმანიის ფედერალური პოლიციისა და ევროპის სასაზღვრო და სანაპირო დაცვის სააგენტო ფრონტექსთან თანამშრომლობით განახორციელა.