შინაგან საქმეთა სამინისტროს ინფორმაციით, ნარკოტიკების ინტერნეტით გასაღებაში ბრალდებულის ძმამ, რომელიც სამინისტროს თანამშრომელია, პოლიციიდან წასვლის შესახებ პატაკი დაწერა.

უწყების განცხადებით, საგამოძიებო დანაყოფისთვის ცნობილი იყო, რომ ერთ-ერთი დაკავებულის ძმა ვაკე-საბურთალოს სამმართველოს მე-4 განყოფილების უბნის ინსპექტორ-გამომძიებელია. მათი თქმით, ნარკოტიკის გასაღებაზე გამოძიების პარალელურად, გენერალური ინსპექცია იძიებდა პოლიციელის დანაშაულებრივ საქმიანობაში შესაძლო მონაწილეობას. მათივე თქმით, ამ ეტაპზე ხსენებული პირის დანაშაულში მონაწილეობის ფაქტი არ დასტურდება.

7 მაისს ნარკოტიკების ინტერნეტით გასაღების ბრალდებით 2 პირი დააკავეს.