7 მაისს, საღამოს ერევანში სომხური წარმომავლობის ამერიკელი როკ-მუსიკოსი, System Of A Down-ის სოლისტი, სერჟ ტანკიანი ჩავიდა. მუსიკოსის განცხადებით, ის სომხეთში ოპოზიციონერი ლიდერის, ნიკოლ პაშინიანის მხარდასაჭერად გაემგზავრა.

ტანკიანის დასახვედრად აეროპორტში ნიკოლ პაშინიანი გაემგზავრა. პაშინიანთან ერთად ის დღეს რესპუბლიკის მოედანზე სიტყვით გამოვა.

ბოლოს სერჟ ტანკიანი სომხეთში 2015 წელს იყო. მაშინ მან თავის როკ-ჯგიფთან ერთად ერევანში, რესპუბლიკის მოედანზე კონცერტი გამართა.

8 მაისს სომხეთის ეროვნულმა კრებამ პრემიერ-მინისტრი უნდა აირჩიოს. ერთადერთი კანდიდატი ფრაქცია ელკის ლიდერი, ნიკოლ პაშინიანი. ყოფილი პრემიერ-მინისტრი სერჟ სარგსიანი თანამდებობიდან 23 აპრილს, 11-დღიანი საპროტესტო აქციების შემდეგ გადადგა. ამის შემდეგ პრემიერ-მინისტრის მოვალეობის შემსრულებელი კარენ კარაპეტიანი გახდა.