საპრეზიდენტო არჩევნებიდან, თითქმის, ორი თვის თავზე, 7 მაისს კრემლში ინაუგურაცია გაიმართა და ვლადიმერ პუტინმა პრეზიდენტის თანამდებობა დაიკავა. უკვე მეოთხედ კრემლის საზეიმო დარბაზში პუტინმა ფიცი დადო, ხალხს მიმართა და საპრეზიდენტო პოლკის აღლუმი ჩაიბარა.

ექვსი წლის წინ პუტინი კრემლში კორტეჟით მივიდა. პირდაპირ ეთერში ყველა უყურებდა როგორ მოემგზავრებოდა პუტინი კრემლისკენ მოსკოვის ცარიელ ქუჩებში. წელს რუსეთის პირველმა პირმა კორტეჟზე უარი თქვა.

მას შემდეგ, რაც საზეიმო დარბაზში რუსეთის დროშა, პრეზიდენტის სიმბოლიკა და კონსტიტუცია შეიტანეს, ვლადიმერ პუტინს სამუშაო კაბინეტში დაურეკეს. ის ადგა, პიჯაკი ჩაიცვა და ინაუგურაციაზე წავიდა. რამდენიმე წუთის განმავლობაში ის დერეფნებში დადიოდა, რის შემდეგაც ეზოში გავიდა და მანქანაში ჩაჯდა.

ფოტო: რუსეთის პრეზიდენტის ადმინისტრაცია

ფიცის წარმოთქვის შემდეგ პრეზიდენტი სიტყვით გამოვიდა. პუტინმა განაცხადა, რომ იაზრებს პასუხისმგებლობას ხალხისა და ქვეყნის წინაშე. ის, ასევე, დაპირდა ხალხს, რომ მისი ცხოვრებისა და მუშაობის მიზანი ხალხის სამსახურში ყოფნა იქნება.

წლევანდელი ინაუგურაცია იყო ყველაზე მასშტაბური, რადგან ღონისძიებას ექვსი ათასამდე სტუმარი ესწრებოდა. სტუმრებს შორის იყვნენ გერმანიის ყოფილი კანცლერი გერჰარდ შრედერი, მსახიობი სტივენ სიგალი და რუსეთის პირველი პრეზიდენტის, ბორის ელცინის ქვრივი.

ფოტო: რუსეთის პრეზიდენტის ადმინისტრაცია

ფოტო: რუსეთის პრეზიდენტის ადმინისტრაცია

ფოტო: რუსეთის პრეზიდენტის ადმინისტრაცია

ფოტო: რუსეთის პრეზიდენტის ადმინისტრაცია

ფოტო: რუსეთის პრეზიდენტის ადმინისტრაცია