5 მაისს, თბილისში Decoder-ის რიგით მეექვსე სერია SPACEHALL-ში გაიმართება. თბილისს ფესტივალის ფარგლებში ცნობილი გერმანული დუო KOLLEKTIV TURMSTRASSE ეწვევა.

Decoder ელექტრონული მუსიკისა და ციფრული ხელოვნების ფესტივალია, რომელიც 2017 წელს დაარსდა. Decoder-ის პირველი ივენთი მულტიფუნქციურ საკონცერტო დარბაზში, SPACEHALL-ში გაიმართა. 21 სექტემბერს Decoder-ის ფარგლებში თბილისს თანამედროვე ელექტრონული მუსიკის ერთ-ერთი ყველაზე მნიშვნელოვანი ფიგურა, ნიკოლას ჯაარი ეწვია. ასევე Decoder-ის ფარგლებში ჯაარმა შოთა რუსთაველის სახელმწიფო თეატრში ემბიენთ შოუ გამართა.

5 მაისს Decoder-ის რიგით მეექვსე სერიის ჰედლაინერი ჰამბურგში დაარსებული დუო KOLLEKTIV TURMSTRASSE იქნება. პროექტი, რომელიც მოკლე დროში მსოფლიოს წამყვანი კლუბებისა და ფესტივალების განუყოფელ ნაწილად იქცა, 1998 წელს მეგობრებმა, კრისტიან ჰირშერმა და ნიკო პლაგემანმა დაარსეს. სტუდიური მოღვაწეობა დუომ 2000 წლიდან დაიწყო და მათი ნამუშევრები გამოიცემოდა ისეთ ლეიბლებზე, როგორებიცაა Diynamic Music და Cocoon. ივენთზე თბილისური საკლუბო სცენის წარმომადგენლების, Autumn Tree-სა და Tade-ის მოსმენასაც შეძლებთ.

Autumn Tree ქართველი დიჯეისა და პროდიუსერის, ცნობილი ქართული დუოს Greenbeam & Leon-ის ერთ-ერთი წევრია. Tade ქართველი დიჯეისა და პროდიუსერის, თადე თოდუას სოლო პროექტია, მისი ნამუშევრები გამოიცა ლეიბლ Dash Deep Records-ზე.

გაიგეთ მეტი ივენთის შესახებ.