პრემიერ-მინისტრის განცხადებით, პრეზიდენტის გამოსვლისგან ის გაცილებით მეტს ელოდა:

"ვფიქრობ, რომ პრეზიდენტს გაცილებით უფრო ფართო უნდა მიმოეხილა ის პრობლემატიკა, რაც ჩვენს ქვეყანაში არის. უფრო მეტი უნდა ესაუბრა, მათ შორის, უფრო მეტი გამაერთიანებლის ფუნქცია უნდა გამოეჩინა პრეზიდენტის ინსტიტუტის".

გიორგი კვირიკაშვილის განმარტებით, ის ელოდა, რომ პრეზიდენტის ბოლო გამოსვლა უფრო ღრმა და ანალიტიკური შინაარსის იქნებოდა:

"მან ისაუბრა ქვეყანაში სოციალურ მდგომარეობასა და პრობლემებზე, რასაც ჩვენ არა თუ უარვყოფთ, არამედ ხელისუფლების ყველა შტო მუშაობს აქტიურად, რომ ქვეყანა წინ წავიდეს ამ მიმართულებაში. მან ისაუბრა ინსტიტუციებისადმი უპატივცემულობასა დაკნინებაზე, როდესაც მან თვითონ დააყენა კითხვის ნიშნის ქვეშ, მათ შორის, სტატისტიკის დეპარტამენტის მონაცემები".