ბელარუსის პრეზიდენტმა ალექსანდრ ლუკაშენკომ პარლამენტში ყოველწლიური გამოსვლისას განაცხადა, რომ პრემიერ-მინისტრი გიორგი კვირიკაშვილი "აცრემლებული თვალებით" რუსეთისადმი მის დამოკიდებულებაზე ესაუბრა.

"იგივე საქართველო, პრემიერი, როგორც ჩვენთან კობიაკოვი, მაგრამ ჩვენი პრემიერი 100 პროცენტით რუსია, იქ კი 75 პროცენტით რუსი ადამიანია. მასთან ერთად ვიჯექი მაგიდასთან და ქართულ ღვინოს ვაგემოვნებდი. ადამიანი გაიხსნა და თითქმის აცრემლებულმა დამიწყო ლაპარაკი რუსეთის მიმართ მის დამოკიდებულებაზე. ვინ ესაუბრა მას ასე? ყველაზე მარტივია მოშორება. ისინიც უკვე ამერიკული ჯაველინების, თანამედროვე ტანკსაწინააღმდეგო იარაღის დემონსტრირებას ახდენენ. უკრაინაც და ისინიც. ეს გვინდა? ბევრ რამეში, რაც ჩვენს გარშემო ხდება, ჩვენ თვითონ ვართ დამნაშავე. ამიტომაც გვიწევს ურთიერთობის ნორმალიზება იქაც და აქაც", - განაცხადა ლუკაშენკომ.

მარტში ალექსანდრ ლუკაშენკო საქართველოს ეწვია. მისი ვიზიტი ქართულ-ბელარუსული დიპლომატიური ურთიერთობების 25 წლისთავს უკავშირდებოდა.